Cantatores de las noches largas

Ils Cantatores de las noches largas — Jack e Schmo — presentan stils da musica fetg differents che tonschan naven dil blues (Muddy Waters) sur il choral (Canzun de sogn Placi) tochen al heavy metal (AC/DC) — quei per numnar mo in pèr stils.

Ils texts ein per ordinari romontschs, denton er da cantar denteren tudestg ed engles fan ils Cantatores de las noches largas buc cass.

Ils texts che Jack e Schmo scrivan il bia sez raquentan da schabetgs actuals, da situaziuns legras, d'eveniments or dalla veta da mintgadi, ni insumma da tut quei che vess gia daditg stuiu vegnir cantau, mo che negin ha ughegiau tochen oz.

Ina nova purschida ei il cant sacral. Leu sto il humor naturalmein far plaz alla dignitad ecclesiastica.

 

In pign schatg da nies repertori:

- la canzun da Pitasch cun la melodia da Muddy Waters che tracta las bravuras en differents vitgs e marcaus da quest mund

- la canzun Avon ch'ir en sortida… cun la melodia da ZZ Top che dat in cussegl per la veta nocturna

- la canzun dils NCGs (NCG = no check generation) che muossa co ei stat propi cun nossa giuventetgna

- Ain't she sweet — ch'er il Beatles han gia cantau — e che ha num tier ils Cantatores «Giu Sumvitg»

- la tresta sort dil cavagl da Schluein cun la melodia predestinada per quella historia, numnadamein «Stairway to heaven» da Led Zeppelin

- la canzun dil bau da Gian Fontana en ina atgna interpretaziun da blues

- in tec in'autra versiun dalla canzun de sogn Placi

- Ring of fire da Johnny Cash

- il Giacumbert da Caschiel, carnpiertg e remiedi

- Heimweh nach Zell, ina canzun da schar encrescher per il Musikanten-Stadl cun in pign excuors sin il «Highway to hell» dad AC/DC

- Paul Luziet ch'ei levaus si da mort en veta

- buc d'emblidar la Porta Alpina

- ed aunc biaras autras …

L'entschatta dalla
canzun de sogn Placi

Las canzuns

ro | de

Tedlar

- Canzun da Pitasch

- Avon ch'ir en sortida

- Ring of fire

- Paul Luziet

- Canzun da Sumvitg

© 2002-2012 by
Cantatores
de las noches largas