|
Cantatores de las noches largas |
|
Schmo Marco Schmed, *1977 cant e differents instruments specials (p.ex. il «dartguiro fon» ed il «rorofon» ch'el ha «inventau» sez) |
|
Jack e Schmo |
|
senumnan ils dus interprets dils Cantatores de las noches largas |
|
ro | de |
|
© 2002-2010 by |
|
Ord l'historia Ils Cantatores ein seformai igl onn 2002 a caschun dalla fiasta da sogn Stiafen a Segnas. Leu haveva giu liug ina sera da beneficenza a favur dils donns dallas malauras dil november. Per insumma dumignar ensemen in emprem repertori ein Schmo e Jack s'entupai entuorn ils 22 da december 2002 a Mustér ella Cucagna. Leu ein els stai in'entira sera — tochen tard viaden ella notg — vi da scriver e cumponir canzuns. Da quella «notg liunga» (per spagnol: noches largas) deriva er il num da lur formaziun. Medemamein presents a Segnas era la sera da sogn Stiafen, ils 26 da december 2002, igl actur René Schnoz che ha immediatamein engartau il talent dils dus giuvens musicists. Ensemen cun René Schnoz han ils Cantatores lu saviu ir gia all'entschatta digl onn 2003 sin «turnea» giu Mustér ella Stiva Diva (ch'ei uss deplorablamein serrada). El decuors digl onn 2003 ei la «turnea» ida vinavon e gia prest ein ils Cantatores stai enconuschents sin plaun internaziunal, per buc dir regiunal ni communal. Lur «turnea» cuozza aunc oz! In «highlight» ei segir stau, cu ils Cantatores han cantau ensemen culs «Rolling Stones» igl onn 2003 giu Turitg. Bien, ils Cantatores eran buca sezs sin tribuna, ed ei haveva er aunc da quei da 40 000 autras persunas el stadion dil Letzigrund che cantavan cun els. Mo gliez sto gie negin saver … |
|
Jack Fabian Huonder, *1972 clavazin e cant |
